Kiko zbulon rendin e ditës së Këshillit të Sigurisë Kombëtare

Nga Lutfi Dervishi

Sapo mori njoftimin për mbledhjen e Këshillit të Sigurisë Kombëtare, Kiko nuk gjeti qetësi deri në momentin që zbuloi rendin e ditës së mbledhjes.

1-Rritja e kapaciteteve në kufirin ajror, detar dhe tokësor për të parandaluar dhe goditur flukset periodike dhe masive të emigrantëve britanikë drejt Shqipërisë.

2-Ulja e kuotave të pranimit të infermjereve dhe mjekëve gjermanë në sistemin tonë shëndetësor.

3-Plan veprimi për shpartallimin e veprimitarisë së krimit të organizuar italian, belg, hollandez dhe spanjoll në Shqipëri.

4- Fuqizimin e misionit Alba që monitoron mbjelljen e hashashit në Itali me synim tregun shqiptar

5-Dhënie ekspertize dhe monitorim i reformimit të Europol, Eurojust dhe Zyrës Europiane të Prokurorisë.

6-Paketë magjistrale rekomandimesh konkrete për Bankën Europiane dhe bankat e 27 vendeve anëtare për rritjen imediate dhe substanciale të rrogave dhe pensioneve në Europë.

7- Shqyrtimi i aplikimeve për statusin e vendit kandidat në Ballkanin e Hapur të Gjermanisë, Italisë dhe Francës.

8-Ofrimi falas i personelit kompetent SHBA-ve dhe vendeve te BE-së për forcimin e mbrojtjes dhe sigurise kibernetike nga hakerat iranianë.

9 -Ultimatum Rusisë që të tërhiqet brenda 23 orësh, 22 minutash dhe 21 sekondash nga Ukraina.

10-Paralajmërim Kinës të heqë masat proteksioniste dhe t’i hapë rrugë eksporteve shqiptare aq shumë të kërkuara në tregun kinez

11- Të ndryshme

Read Previous

Si arriti vendi më i varfër i BE-së ta shpëtojë fshehurazi Ukrainën?

Read Next

Lufta e Vladit, gjeneralit famëkeq që pritet të udhëheqë 700 mijë trupa ruse drejt ofensivës së re në Ukrainë