Iu nënshtrua operacionit pas goditjes në tru/Ja si paraqitet gjendja shëndetësore e Genci Fugës

Dy ditë më parë aktori i njohur, Genci Fuga iu nënshtrua një operacioni të vështirë, pasi pësoi një goditjeje cerebrale.

Referuar miqve të aktorit gjendja e tij është e qëndrueshme, por mjekët po monitorojnë ecurinë të paktën derisa të kalojnë 48 orë nga ndërhyrja që cilësohen edhe orët më të rrezikshme.

Pedagog në Universitetin e Arteve dhe aktor, Fuga pësoi goditje të shtunën ndërsa bashkëshortja e tij, aktorja e regjisorja Eni Jani, bëri thirrje publike në rrjetet sociale duke kërkuar ndihmë në mbledhjen e shumës prej 19 mijë eurosh  të nevojshme për ndërhyrjen në një spital privat.

Në një kohë rekord, brenda pak orësh nga apeli i bërë nga Eni Jani, shuma e kërkuar u sigurua madje u mblodhën 43 mijë nga dhurimet përmes aplikacionit gofundme. Rreth 1200 qytetarë kontribuuan për shërimin e Fugës, mes të cilëve artistë, kolegë aktorë dhe personazhe publike në shuma të ndryshme.

Po atë mbrëmje aktorja Eni Jani njoftoi mbledhjen e shumës ndërsa falënderoi miqtë e publikun  për mbështetjen dhe ndihmën monetare e po ashtu mjekët që kryen operacionin./ Panorama plus

Read Previous

E pabesueshme/ Gjenden shenja të mundshme të jetës aliene në Mars

Read Next

Arriti edhe kjo ditë / Mamaja e Kiarës dhe ajo e Luizit fotografohen bashkë