Vazhdon të paraqiten në spitalin e Krujës qytetarë që kërkojnë ndihmën mjekësore si pasojë e helmimit masiv për shkak të ndotjes së ujit të pijshëm.
Burime të “Fax News” bëjnë me dije se pas orës 18:00 të mbrëmjes së djeshme dhe deri tani janë paraqitur 20 persona të tjerë me shenja helmimi.
Bëhet me dije se 4 pacient janë shtruar në ambientet e spitalit kurse personat e tjerë pasi kanë marrë mjekimin janë larguar drejt shtëpisë.
Kujtojmë që ditën e djeshme përmes një deklarate për mediat nëndrejtori i ISHP-së, Dritan Ulçinaku tha se është një epidemi e shkaktuar nga uji si rezultat i ndotjes së ujërave sipërfaqësore të shirave të rëna para pak ditësh dhe se përgjegjësia bie mbi ujësjellësin. Mbi 300 qytetarë janë paraqitur gjatë 3 ditëve të fundit në ambientet e spitalit për të marrë mjekim si pasojë e këtij helmimi masiv.
