Gjermani, Aeroplani ulet në autostradë

Një pilot ka bërë ulje emergjente në një autostradë në Gjermani, si pasojë është përplasur me një kamion, raporton “Deutsche Welle”.

Pasi zbuloi se motori ka dështuar piloti i detyrua të bënte ulje emergjente në urë të autostradës, që përdoret nga veturat e mjetet tjera motorike, raporton Policia gjermane.

72-vjeçari ishte duke fluturuar nga Franca për në Holandë, nëpërmjet shtetit gjerman Rhineland-Palatinate, kur nisi të dështonte motori dhe ai shpejt vendosi të ulej.
Ai u ul në urën Sch]arzbachtal, një urë e lartë 100 metra afër qytetit Pirmasens në perëndim të Gjermanisë, ndërsa është në kufi me Francën.
Në urë, aeroplani i tij u përplas me një kamion që po qarkullonte në urë. Piloti shpëtoi me lëndime të lehta, ndërsa shoferi i kamionit nuk pësoi lëndime.

Në vendin e ngjarjes dolën një numër i forcave të emergjencës, ndërsa rruga u mbyllë plotësisht për një kohë për të pastruar karburantin.

Autoritetet llogarisin se kostoja e këtij incidenti kap shumën e afro 60 mijë eurove.

Read Previous

As punëtorët nga afrikanë nuk i pëlqejnë kushtet e punës në Shqipëri

Read Next

Shpërthim pranë kompleksit bërthamor