Dusan Janjic: Serbia e paguan 100 mijë dollarë në muaj ish të dërguarin e SHBA-së për dialogun Kosovë – Serbi, Richard Grenell.

Analisti politik, Dusan Janjic thotë se Serbia e paguan 100 mijë dollarë në muaj ish të dërguarin e SHBA-së për dialogun Kosovë – Serbi, Richard Grenell.

Grenell ishte i dërguar special për dialogun në kohën sa ishte në pushtet presidenti Donald Trump, por edhe pas largimit të tij, Grenell ka vazhduar të lobojë për interesat e Serbisë, shkruan portali i Malit të Zi, “Antena M”.

Janjic i ftuar në emisionin “Linjë e ndryshme e radios” tha se nuk e di sa paguan presidenti serb Alkesandar Vuçiq, për lobim, por e di se paguan shumë.

“Ne madje i paguajmë edhe Grenellit 100 mijë dollarë në muaj, nuk e di pse kur shefi i tij nuk është në pushtet”, tha Janjic.
Grenell pas largimit të Trumpit nga pushteti në shumë raste i ka dal në krahë Serbisë. Po ashtu ka zhvilluar disa aktivitete me komunitetin serb në SHBA.

Përmes Tëitterit në shumë raste ka kritikuar Kosovën, e sidomos kryeministrin e saj, Albin Kurti.

Janjic vlerëson se Serbia po vazhdon të lobojë sipas mënyrës së vjetër dhe pa produktivitet.

“Lobimi është i organizuar shumë, çuditërisht dhe për fat të keq askush nuk ka ndryshuar asgjë, nga Slobodan Miloshevici e deri më sot, matricat dhe agjencitë janë të njëjta dhe disi shkojmë më shumë drejt politikave sesa drejt kompanive. Nuk kemi lobim serioz”, vlerëson kryetari i Forumit për Marrëdhënie Etnike, Janjic.

Read Previous

Presidenti Meta pas takimit me Raporteren për Shqipërinë, Isabel Santos : “Ramë dakord se krimi i organizuar dhe emigracioni përbëjnë shqetësim serioz”

Read Next

Covid-19 në vendin tonë / 11 humbje jete dhe 230 raste të reja

Leave a Reply

Your email address will not be published.