Deputeti socialist, Etjen Xhafaj ka zbuluar emrin e parë të propozuar për zgjedhjen e presidentit të ri.
Ndërsa ishte i ftuar në emisionin “Dekalog” në RTSH24, Xhafaj ndërsa komentonte mbi procesin ka treguar se një nga tre propozimet e tij është Gramoz Ruçi.
“Po zbuloj një nga tre emrat që kam propozuar. Për mua njeriu që duhet president është Gramoz Ruçi”- tha Xhafaj.
Sipas tij, “Zoti Ruçi ka provuar që di të mbaj balanca dhe të krijojë kompromise në një kohë që nuk ka qenë e qetë për parlamentarizmin në Shqipëri”.
Janë 67 emra të propozuar nga socialistët për Presidentin e ri, por ende nuk janë bërë publike. Kujtojmë se më 16 maj do të zhvillohet raundi i parë i votimit për zgjedhjen e Presidentit të Republikës./hashtag.al
