Çani largohet nga televizioni Klan, ja ku pritet të shfaqet

Arjan Çani është larguar nga televizioni Klan, ku çdo të premte transmetohej emisioni i tij “Zonë e Lirë”.

Ka zëra se Çani do të shfaqet në ekranin e ABC, por është e paqartë nëse do të vijojë me të njëjtin emision, apo do të nisë një format të ri.

“Zonë e Lirë” u transmetua në Tv Klan për shumë vite, duke patur audiencë të lartë dhe duke sjellë personazhe të larmishme, që shkaktonin shpesh polemika dhe debate në shoqëri.

Pak kohë më parë, i ftuar në emisionin “Të Paekspozuarit” në MCN TV, Çani shpjegoi “filozofinë” e pjesës së tretë të emisionit, ku shpesh ftonte edhe personazhe “groteske”.

Pjesë nga biseda:

Ylli Rakipi: Shpesh ti fton në studio, aty nga pjesa e tretë, personazhe groteske me emra kafshësh.

Arjan Çani: Ujqërit…

Ylli Rakipi: Përse i duhen treguar publikut këta? Ka njerëz që të kritikojnë për këtë gjë. A mund t’ua thuash sot?

Arjan Çani: Mos prit ta them këtë, sepse nuk mund të tregoj sekretin e një gjëje që funksionon. Si recetë. Ata do të jenë te unë. Arsyet përse janë, mendoj se publiku e kupton, nuk është budalla.

Ylli Rakipi: Edhe i duan ata, ti ke shikueshmëri të lartë, ndryshe nuk do ti shihnin.

Arjan Çani: E ke vënë re këta njerëzit e famshëm, milionërë, miliarderë që dalin në rrjetet sociale, si ka munëdsi që nuk tregojnë asnjëherë pjesën tjetër të tyre? Përshembull kur shkojnë në tualet, nuk e tregojnë përmjerjen? Herë pas herë njerëzit janë kuriozë ta dinë… Të shohin pjesët e errëta… Këta ujqërit janë pjesa e halesë, e WC!

Ylli Rakipi: Mos e the gabim tani dhe nuk të vijnë më?

Arjan Çani: Ata vijnë, sepse ata më duan më shumë kur e them këtë gjë. Ata e dinë, janë në rol. Në këtë jetë nuk është asgjë keqkuptim, të gjithë kemi një rol për të luajtur.

Ylli Rakipi: Cfarë mendon se kërkon shikuesi shqiptar nga televizionet?

Arjan Çani: Mendoj se kërkojnë shumë gjëra. Por, unë them cfarë i jap unë.

Ylli Rakipi: Mos e kemi gabim, që ne japim shumë politikë? Ngrysen dhe gdhihen politikanët në televizione. Media është në një shterpësi të tillë, që i thërrët.

Arjan Çani: Mendoj se ata që shohin politikë, shohin politikë në të gjithë rastet. Përvec rasteve që ka diarera të tjera nëpër televizone, është ajo pjesë tjetër nevojtores, Big Brother dhe këto, janë diare… Njerëzit kanë nëvojë për nevojtore.

Ylli Rakipi: Ndoshta sa më shumë vulgaritet, aq më shumë shikueshmëri./tpz.al

Read Previous

“Në klasën time e dëgjojnë të gjithë”

Read Next

Elon Musk e lajmëron në Twitter: Do të blej Manchester United