Britani/ Inflacioni vitin e ardhshëm mund të arrijë deri në 22%

Inflacioni në Britaninë e Madhe mund të kërcejë mbi 22% në 2023 nëse çmimet e gazit vazhdojnë të rriten, raportoi Bloomberg, që citon analistët e Goldman Sachs.

Ekonomistët e bankës vlerësojnë se nëse çmimet vazhdojnë të rriten, Britania e Madhe mund të detyrohet të rrisë kufirin e saj të energjisë me një 80% të mëtejshëm në janar, gjë që nga ana tjetër do shtynte inflacionin në 22.4% dhe do të shkaktonte një rënie prej 3.4% të PBB-së së vendit.

Për më tepër, edhe nëse çmimet e energjisë stabilizohen, analistët thonë se norma maksimale e inflacionit do jetë rreth 14.8% në janar, e cila është e mjaftueshme për ta zhytur vendin në një recesion.

Sipas Bloomberg, investitorët presin masa drastike nga Banka e Anglisë në muajt e ardhshëm për të luftuar inflacionin, duke përfshirë një rritje të normës bazë deri në 4.25% nga 1.75% që është tani.

Parashikimi i inflacionit i Goldman Sachs është në krye të atij të mëparshëm të bërë javën e kaluar nga Citigroup, i cili pret që inflacioni në Britani të rritet në 18.6% vitin e ardhshëm dhe pritjet e Bankës së Anglisë prej 13%./hashtag.al

Read Previous

Aksin rrugor Pogradec-Tushemisht/ Qeveria jep 32.3 milionë lekë për shpronësimet

Read Next

Pezullimi i vizave/ Moska: Europa do të ketë pasoja, do të përballet me diçka që nuk e pret