Berisha: Qeveria e Edi Ramës ka projektuar të shembë 90 mijë banesa

Kryetari i Partisë Demokratike, Sali Berisha, është shprehur se qeveria e kryeministrit Edi Rama ka projektuar të shembë 90 mijë banesa.

Komentet Berisha i bëri gjatë një takimi me demokratë të degës 6, 7 dhe 16 të Tiranës.

Berisha shtoi se qeveria shqiptare shemb shkollat me arsyetimin e pasojave të tërmetit, në një kohë që sipas tij ato nuk kanë plasaritje.

Sipas Berishës, Rama i bën këto për të ndërtuar shkolla të reja me çmime që variojnë nga 3-6 milion euro.

“Një nga projektet e tyre është të shemben 90 mijë banesa. Siç e keni parë, këta çdo ditë shembin shkolla. Ndërtojnë shkolla me 6 milion euro. Standarti është i përllogaritur që nga gozhda. Ky ndërton shkolla me 3 milion, arrijnë edhe në 5 milion. Shembin shkolla pa asnjë plasaritje nga tërmeti.

Rikthyen turnet në Tiranë, kurse në Kamëz rikthyen turnet e treta. I verboi grabitja e plaçkitja dhe pasurimi. Të shndërrohemi në popull protestues për të shpëtuar Shqipërinë, për t’i dalë zot vendit. Është mision jetik. Duhet ta shpëtojmë vendin”, është shprehur Berisha.

Read Previous

Afera e inceneratorëve/ SPAK nxjerr urdhër-arrest për Mirel Mërtirin

Read Next

“Në 8 vite iku 1/3 e popullsisë”/ Berisha thirrje për protestën e së shtunës