Bregu: Plani i rritjes së BE-së mund të dyfishojë ekonomitë e Ballkanit në 10 vite
Aung San Suu Kyi është dënuar me katër vjet burg, për nxitje dhe mosrespektim të kufizimeve të Covid, vendimi i parë që jepet për lidereren e rrëzuar të Mianmarit që kur junta mori pushtetin në shkurt, raporton The Guardian.
76-vjeçarja është akuzuar për një sërë veprash – nga mbajtja e paligjshme e telekomandave e deri te shkeljet e Aktit të Sekreteve Zyrtare – që mund të arrijnë në dënime me dekada burg. Avokati i saj i ka përshkruar më parë rastet si “absurde”. Rasti i nxitjes thuhet se përqendrohej në një deklaratë, të publikuar në internet pas grushtit të shtetit të shkurtit, e cila u kishte kërkuar organizatave ndërkombëtare të mos bashkëpunonin me juntën. Rasti i dytë pretendonte se ajo kishte thyer rregullat e Covid ndërsa bënte fushatë përpara zgjedhjeve të vitit të kaluar.
Ish-presidenti Win Myint u dënua me katër vjet për të njëjtat akuza. Myo Aung, ish-kryebashkiaku i Naypyitaw, u dënua me dy vjet për nxitje. Pak dihet për procedurat në çështjet ligjore. Aung San Suu Kyi është gjykuar në një gjykatë të mbyllur, pa akses për vëzhguesit dhe avokati i saj është penguar të flasë me gazetarët.
©Kumtari.al