Ambasadori i Gjermanisë, Zingraf, nuk merr anë në debatine brendshëm në PD

Në Ditën Ndërkombëtare për të Drejtat e Njeriut, ambasadori gjerman Peter Zingraf thotë se shtetet demokratike kanë nevojë dhe për një shoqëri të hapur dhe një opozitë të fortë si korrigjues.

Pikërisht për këtë arsye, thotë diplomati, Gjermania është duke monitoruar me vëmendje situatën aktuale në Shqipëri duke ju referuar zhvillimeve brenda PD, partisë më të madhe opozitare.

Ambasadori gjerman thotë se është e rëndësishme që të gjitha partitë të përfshihen në mënyrë konstruktive në punën parlamentare dhe të punojnë për zgjidhjen e problemeve paqësisht dhe brenda kuadrit të strukturave ligjore.

Zingraf: Të drejtat e njeriut janë universale dhe të panegociueshme. Ne angazhohemi për t‘i mbrojtur këto të drejta në mbarë botën. Kjo është një përgjegjësi, e cila del nga kapitulli i errët i historisë gjermane. Kjo përgjegjësi është sot një pjesë e vetëkuptueshme e politikës sonë të jashtme. Që të drejtat e njeriut të mund të garantohen për të gjithë, nevojitet një shtet i qendrueshëm, një kornizë politike që respekton llogaridhënien ndaj qytetareve dhe qytetarëve të saj, vepron me transparencë si dhe mbron të drejtat e tyre.

Për këtë arsye ne angazhohemi bashkërisht me partnerët tanë evropianë, brenda dhe jashtë Bashkimit Evropian, për strukturat demokratike dhe luftën kundër korrupsionit. Por shtetet demokratike kanë nevojë dhe për një shoqëri të hapur dhe një opozitë të fortë si korrigjues. Prandaj ne jemi duke monitoruar me vëmendje situatën aktuale. Është e rëndësishme që të gjitha partitë të përfshihen në mënyrë konstruktive në punën parlamentare dhe të punojnë për zgjidhjen e problemeve paqësisht dhe brenda kuadrit të strukturave ligjore.

Read Previous

Falsifikimi i firmave të delegatëve nga Basha, reagon “Foltorja”

Read Next

Gazi i partisë bëhet gazi i botës me firmat e falaifikuara të delegatëve